伊巴的抉擇-曼聯?中國?
根據Sky Sports 消息,曼聯係伊巴今個暑假唯一會考慮加盟既英超球會,雖然佢考慮緊中國球會向佢提供更豐厚既報價。伊巴向曼聯要求£1140萬既年薪,相信曼聯係球衣銷售等事項可以某程度上抵消左佢既工資。曼聯唔會付中國球會向伊巴出既價錢。該中國超聯球會向伊巴提供一份價值£5300萬既兩年合約。
来源:Sky Sports
伊巴記者會即時更新:
1.伊巴遲左一個鐘,佢稱係記者們早到
2.我一早已經決定左我既去向
3.呢個係一個正確決定(摩連奴),如果你想有行動,就要摩連奴。我覺得佢係能夠帶領曼聯回到頂點既正確人選
4.我同摩連奴有一個好好既時光,我唔知道會唔會同佢再合作
5.我唔會比任何保證,但係我可以話你知有黎自英超既報價
6.被問到曼聯有無報價,佢話「遲d你就知!」
7.我收到好多報價,意大利都有,我既決定係用左唔少時間黎做既
8.自從我離開左國際米蘭,我每一日都掛著同摩連奴合作
曼聯向卡域克提供合約延長!
摩連奴向木仔表示希望卡域克能夠係曼聯留多一年。 曼聯已經向卡域克提供一份1年既合約,但係薪金會減低小小。
曼聯會今個星期正式宣佈摩連奴加盟曼聯。
挑戰!
坊間傳緊摩連奴48 小時內上任,但係我地收到嘅風係48 小時內官宣只屬於有機會,唔係100%。另外摩連奴加盟曼聯並唔係為錢,佢將份合將入面D 錢個Part 睇得好輕,佢決定做曼聯領隊係因為要幫淪落嘅曼聯重振聲威,再次重返歐洲足球頂級行列,佢覺得呢個係好有意義嘅挑戰。
再見!雲高爾!
根據我地收到嘅消息,雲高爾已經同老婆坐私人飛機去左葡萄牙渡假,而私人飛機費用係由曼聯出,相信呢個係曼聯對於炒佢嘅其中一項補償。至於炒雲高爾嘅違約金大約係四百五十萬鎊,因為無歐聯資格,所以違約金已經調低左一截。坊間有傳聞佢係決賽之後睇電視知道自己被炒,呢樣證實唔到,但係證實到嘅係,炒人嘅決定係尋日由木仔係卡靈頓到親自講比佢聽。雲高爾事後無任何怨言,但只係覺得勁失望。而佢地亦都協議左等雲高爾上左飛機先官宣呢個消息,目的係雲高爾可以避開記者追訪。而雲高爾下一站,好大機會就係退休享受人生。
伊巴加盟曼聯機會暴增!
係摩連奴即將加盟曼聯之際,伊巴加盟曼聯機會亦都隨之上升。無錯,曼聯到依家為止都未正式向伊巴提交合約提議,但係曼聯要接觸佢已經比以前容易,主要係因為依家少左巴黎聖日耳門一層。
如果曼聯真係簽到伊巴,佢會係自由身加盟。另外有消息話摩連奴同佢保證佢可以係曼聯退休,跟住擔任一隊教練團成員。除左伊巴,傳聞摩連奴仲聯絡左馬迪同華拉尼,向曼聯高層講左想要史東斯同馬昆豪斯。睇黎曼聯今個暑假又有大動作!
摩連奴,啟程!
摩連奴終於啟程上曼徹斯特啦!傳媒朋友係佢屋外影到搬屋公司幫佢搬野離開摩佬係倫敦既屋企
===今日突發新聞===
1.曼聯向傑斯提供一個新職位,暫時未知咩職位,傑斯未作決定
2. 伊巴去曼聯機會暴增,摩連奴官宣後我地會有 folo (Follow up story)
3. 曼聯股價都暴增,今日開市頭5分鐘升左 3.87%
由 $16.80 升到 $17.45
4.拜仁既葛斯決定唔去利物浦
摩連奴與曼聯簽約!
摩連奴接受 BEIN Sports 訪問承認自己已經與英國球會簽約。
雲高爾將於足總盃決賽後離開曼聯,摩連奴官宣將於足總盃決賽後
代表雲高爾唔會做曼聯足球總監
占士下一站,曼聯?
由於皇馬下兩個轉會窗被封窗,今個轉會窗即將大換血。占士洛迪古斯亦成為有機會被清洗球員之一。占士洛迪古斯如果走的話佢最想去曼聯,但係佢唔係好想係雲高爾麾下踢波,所以要睇下曼聯暑假會唔會換領隊。
究竟占士會唔會走?
今季占士踢左30場,但只有8個助攻8個入球,令球隊管理層非常不滿意。係皇馬換帥後亦無改善過,所以如果有任何球隊肯比合理價錢皇馬就會放(初步估計£4000-5000萬)
另外伊巴去曼聯機會稍稍提高左,比佢去美職聯高小小。(暫時未知道成因)
消息來源:Royce Sports 轉會部,ESPN,Sky Sports
新魔君幾時上任?等雲生走左先
[突發]
Skysports 報導曼聯同摩連奴講假如雲高爾被炒,摩連奴將成為曼聯下任領隊,但摩連奴與曼聯依然未簽約
文迪斯不停向活華特施壓,要佢交曼聯帥位比摩連奴
Royce Sports 早前報道
https://www.facebook.com/RoyceMU/photos/pb.1548364598784072.-2207520000.1463499122./1745758005711396/?type=3&theater
伊巴唔妥雲高爾?
曼聯突然聯絡本身奠定去美職聯既伊巴,而伊巴當然有興趣去曼聯多過去美職聯啦。伊巴方已經表明不想在雲高爾麾下踢波,而且曼聯必須保證伊巴上場時間。曼聯方未有向伊巴提供合約,亦暫時未有回覆。
伊巴加盟曼聯機會同加盟美職聯機會相等,前途未有定案
曼聯未能回覆原因相信係因為管理層不想影響曼聯軍心,只有活華特(木仔)同格雷沙家族知道雲高爾未來(或者知道下任領隊係邊個),而費格遜,卜比 sir 等均不知道雲高爾未來,相信該消息或者要等足總盃決賽後先知道。
新魔君:魔連奴?
根據 Sky Sports Italia 報導,摩連奴即將簽約,正式成為曼聯領隊。根據 Sky Sports 內部消息,雲高爾係新賽季非常非常大機會唔會再留係曼聯。曼聯宣佈既時間好可能係足總杯決賽之後,而非Sky Sports 所指既今日或聽日,因為曼聯唔想成為曼城般無人情味既球會,亦唔想影響球員/教練團士氣。
摩連奴與曼聯早前已經達成口頭協議
消息來源:Sky Sports,Royce Sports 轉會部
方丈又搞巴爾?
曼聯係皇馬換帥階段向皇馬提交一份£8000萬既正式報價,希望能夠買入加里夫巴爾。
菲臘比安達臣有望成魔?
雖然成事機會唔係超級大,但係曼聯同拉素既談判開始有轉機了。拉素初步同意曼聯畀£3000萬+£500萬附加條款就可以帶走安達臣了(雖然曼聯既理想價位再低d)。另外曼聯已經同安達臣既陣營有談判,雙方既反應都非常正面。終於開始見到有成事機會了。
曼聯有意購買菲臘比安達臣
曼聯代表抵達羅馬,希望買入菲臘比安達臣。曼聯同拉素既談判只屬最初階段,而且安達臣有一個 £3500萬既解約條款,但係曼聯係咪願意出咁多錢就係另外一回事。
曼聯高層仍然相信雲高爾
昨日雲高爾缺席早上訓練課,成為傳媒焦點。事實上佢去左同曼聯高層開會。係會上木仔向雲高爾表明曼聯高層依然對雲高爾有信心,繼續支持佢做曼聯領隊。但係雲高爾話自己時間差唔多夠,適當時候會差唔多就會自動請辭
大權在木手,雲帥隨時走?
經過多日既商討之後,曼聯高層已經同摩連奴個邊傾好細節,曼聯已經準備好隨時換帥。摩連奴既合約年薪比車路士既合約少(暫時未收到實際金額)。假如曼聯輸比史篤城,曼聯都足夠時間換領隊,咁摩連奴就可以及時上任,倒戈車路士。
曼聯換帥在即
曼聯高層今日會開緊急會議,商討曼聯換帥事宜。假如決定換帥,機會最高既暫時係摩連奴,其次係傑斯
曼聯聯絡哥迪奧拿
曼聯高層昨日般尼茅夫vs曼聯賽事後致電哥迪奧拿,與其商討執教曼聯既可能性。