由開季到依家，摩佬大大話話都公開批評過幾個曼聯球員，當中包括：朗尼、米希達恩、梳爾、史摩寧、迪基亞同埋馬素爾。好多人都懷疑摩佬係咪打緊心理戰呢？因為有好幾個球員真係比佢批評完之後，表現有明顯改善。不過摩佬就話：「我唔係玩緊心理戰。」「如果你已經出盡全力去踢，我無可能再要求你付出更多，呢個係一個常識。」「好似福仔咁，有時佢表現唔算特別好，但係我睇得出佢落到場真係搏盡，所以我唔可以向佢要求更多。」「我只會同佢講：『否極泰來。』」「所以我公開批評球員，係因為佢地無全力以赴。如果佢地有做到呢一點，我一樣會感到高興，而唔係因為佢地有無交出好嘅表現。」