曼聯中堅接連受傷，依家可用人選只係得番拜利、白連特同埋杜安沙比。不過拜利已經踢足4 月全部8 場賽事，都真係時候要抖抖，但係杜安沙比又只係踢過一場足總盃賽事，怯唔怯場都成一個問題，咁聽晚場波中堅位置點排好？摩連奴就話佢會挺身而出！佢係賽前記者會話：「係，我地中堅係得番三個人選。」「我覺得白連特同拜利合作得好好，佢地已經三場聯賽零封對手。我會再同佢地傾下，睇下佢到覺得點再做決定。」「我都已經係Gym 房好努力咁操，所以我都係其中一個人選。你地可能係星期日見到嘅中堅組合就係摩連奴+杜安沙比。」哇，摩佬，我驚你落到場跑都跑唔郁wo！