首先我覺得普巴係攻守俱佳嘅球員，但在防守時我看唔到佢享受防守，佢嘅身體語言表達在回防時係唔願跑去回防。不過，在到佢參與進攻我可以睇到佢處事集中，全程投入同具有創造力的一面。我哋成日講佢要點改善缺點，倒不如俾佢哋發揮長處，做佢喜歡同享受嘅工作。
連加特在進攻方方面嘅特點係佢擅於分波，在前場做逼搶較其他隊員快同有威脅，而當佢冇波在腳時佢亦都勤於走動同埋佢同福仔，馬仔嘅默契佳，佢有當年朴智星嘅特質。可惜，作為一位攻擊球員佢欠缺咗兩重最重要特質；就係俾對方後衛嘅危機感同埋射門嘅準成度。例如：當佢見到對手在前面，佢就多數都係橫傳，佢唔會在適當嘅時候正面挑戰對手。而在射門方面，佢唔係冇射門欲，只不過係經常射唔中龍門同埋撻Q。
不過，我哋可以推普巴振10號位。如果普巴可以利用佢有威脅嘅遠射，獨到短傳入滲加上佢嘅高大身形嘅頭搥，就可以增強曼聯進攻嘅強度，亦都可以減少佢在後場扭波失誤被人打反擊的機會。仲有普巴係唔係一個喜歡經常跑動嘅人，佢係屬於一個踢位置嘅球員，即係跑動唔使多，只係適當時候走到一個有威脅嘅位置就得。
反而連加特可以俾佢試吓打防中。因為防中需要一個擅於跑動嘅人，再加上曼聯現有嘅中場麥湯文尼同馬迪都係踢位置，靴里拉又走咗，所以中場補個勤於跑動嘅人係好重要。佢能夠不斷回防為中堅作屏障，亦都可以在後場拉空位置等後場嘅人可以送個皮球去前面，就似以前當時費sir將前鋒阿倫史密夫改造成防守中場。另外，佢亦都喜歡當有敵人在前面時就將個波傳俾人而唔係去扭過人，咁就減少好似普巴在後場扭失波嘅情況。
我個人覺得，踢波要進步唔係好似讀書咁，要搵出錯誤然後改正，而係要因材施用，利用球員嘅優點，隱藏佢哋嘅缺點。當一個球員開始踢到有信心，缺點都會變成優點。