「進攻唔得，就更加要做好防守先！」就係我對摩連奴嘅認知。
仲記得對熱刺時早段先失一球仍然保持極深嘅中場線，若無其事咁繼續防守反擊，今日回看（馬後炮）可能另有玄機。同一戰術輸埋俾阿仙奴，但返去主場閉幕戰依然以防守為重點課題。呢幾場波嘅娛樂性不大，但俾機會一眾甚少主守嘅中場熟習無波在腳時嘅工作，同時迫使前場習慣要係以寡敵眾嘅情況下做出正確決定。最顯然易見嘅改變就係中場無再因為心急而係危險位置犯規; 反擊唔再拖泥帶水，盡快分俾前鋒由佢地嘗試闖入禁區，直接威脅門將。
黎到決賽，兩個入波都帶幸運成份，但阿積士亦要負上唔少責任。先有加利臣嚴重甩位令普巴有機會起腳，第二球角球阿積士有七名防守球員但盯唔住四個曼聯球員。整體進攻方面如同成個五月一樣，唔華麗唔壓倒性，馬達, 米希達恩做足基本工作，但始終未夠弗。
