[多奇出品] - 曼聯對屈福特賽後檢討

曼聯今場3:0大勝屈福特，不過曼聯喺領先一球下差啲被追和。我哋睇吓今場波有咩係值得攞出嚟講？

一、般奴對曼聯攻擊、甚至係中場線帶嚟咩衝擊？曼聯三個入球嘅組織有咩特點？

二、中後場表現有咩進步嘅空間？

一、般奴今場明顯踢得更具侵略性，有好多攻勢都係由佢發動，但由於對方偏向主守，加上佢所發動嘅冒險式傳波隊友仲未完全意會到，所以有部份攻勢都斷咗纜。不過，佢同佩利亞、連加特嘅分別在於就算最後個攻勢係唔成功，佢會俾隊友個感覺係佢個構思係有建設性，只不過係大家未夾熟。例如：有兩球般奴攞到個波就第一時間交個斜線俾格連活特。而依種建設性係可以引發到其他隊友嘅潛能，令到隊友可以放開嚟組織進攻。例如，上半場有球馬迪交直線想俾馬斯亞單刀，占士走直線然後般奴交個過頭波俾佢做突破。雖然佢唔係每個攻勢都可以化為射門同入球，但佢會拍手去鼓勵隊友，表示就算係有偏差，依個都係一個好嘅嘗試。依種精神上嘅支持，正正俾年輕球員有個動力令到佢他發揮得更出色。除咗精神上嘅支持外，對攻擊球員嚟講，佢哋需要嘅係供應。大家都知曼聯前線多用波上腳嘅球員，般奴好似明白依點咁，佢未攞到個波就已經諗住點樣俾個波占士、馬斯亞同格連活特佢哋，佢俾班隊友訊息就係只要你哋走位我就可以將個波交俾你。例如：占士有多次射門機會同傳中機會。馬斯亞同格連活特射入嗰球都係由般奴交俾佢哋。

另外，佢除咗可以喺中場用波外，佢亦都可以走邊線交翻個波俾中路，等中場球員費特同馬迪甚至係梳爾帶波上前場，做得到依樣嘢又可以分別係好難嘅事。因為技術好嘅球員多數係鍾意引球推進，唔係咁識無球走動。而擅長無球走動嘅球員，佢哋嘅腳下功夫都唔係太突出，而想兩樣都得就要喺技術方面有細膩同粗支大葉兩面都有。當般奴可以做到兩樣都得，對方後防就難以防守，因為佢哋估到嘅係般奴組織攻勢時係點對應，但當係其他隊友組織攻勢時，對手就未必估到可以點對應。第一球係占士引球推進，走位嘅反而係般奴，當時對方守衛即刻唔知點對應，然後占士就交個直線俾般奴單刀。第二球係又占士同梳爾做小組，突破晒對方嘅中場然後交俾般奴再傳直線俾馬斯亞，馬斯亞最後一個挑射入龍門。第三球係格連活特喺後場攞到個波，般奴喺邊線走位，然後格連活特借般奴過橋，呃過兩個對手交翻俾般奴，最後佢交番俾喺禁區嘅格連活特，然後左腳一推一射入網。好明顯三球波最先撕破對方防線都唔係般奴，而係其他曼聯球員。所以話真正有價值嘅球員係能夠引發到隊友潛能，然後隊友又會帶翻啲正能量俾自己嘅球員。

二、中場馬迪同費特經過一段時間嘅合作，慢慢建立默契。馬迪速度慢但就好路數同有經驗，而且身材高兼有對抗性。費特身材矮但有速度同身位好，兩個都擅於用波。今場喺中間佢哋攔截咗唔少波，費特就主動去逼搶，馬迪就踢位置捉路。由於今場前鋒踢得好，馬迪同費特喺中場博得更盡，傳波已經唔係淨係橫傳或回後，佢哋仲傳多咗一啲直線，滲透性傳送亦多咗。例如：費特同般奴會打多咗小組入涉。論表現佢哋合格有餘，但佢哋最大問題就係冇替補，麥湯文尼都係啱啱先復出，重拾狀態都要段時間。

後防嘅問題係隊長麥佳亞冇嗰種殺氣，雖然佢高空波同攔截都做得唔錯，好似今場波頂第一點佢係好少輸，而主動逼搶亦都好多時成功，但佢係需要有拍擋分擔佢嘅工作。依家中場馬迪可以以經驗提點麥佳亞。不過，另一邊連迪洛夫同麥佳亞嘅踢法太相似，兩個都係睇定然後作出對應同埋兩個都唔夠硬朗，唔係好似拜利咁會主動出去殺波，令到對手可以有更多空位同時間去組織，而對手見佢哋踢得咁斯文，對啲硬朗型前鋒就更加輸蝕。另外，防守角球都係一個死穴，始終迪基亞都係唔撞得同埋唔敢出迎同打手鎚，去到嗰個位，個龍門應該可以用雙手接晒，如果唔出迎就容易造成混亂，導致失波。要解決問題可能要今夏引入一位硬淨有氣勢嘅中堅。

依家曼聯喺進攻層面有個好嘅改變，但後防始終有佢致命傷，不過只要攻擊力繼續解放同埋傷兵恢復狀態，相信曼聯表現會有明顯進步同有穩定。

[K11出品] 曼聯K角度 - 般奴效應

作客擊敗車路士後即迎來歐霸盃32強首回合，蘇斯克查作出輪換收起般奴，球隊進攻即時變得乏力，結果首回合只與布魯日賽和1:1。回到英超主場面對屈福特，般奴正選上陣，不過開賽不久差點因後防出錯而落後，幸好球隊由般奴帶領下慢慢重拾比賽節奏，亦由他自己搏得12碼並親自操刀領先1:0，下半場由般奴斜傳馬斯亞入滲後射中賓科士打，其後自己巧妙補射成2:0，76分鐘再由般奴助攻格連活特射入成3:0，亦以此比數完場後升上第五位。般奴費南迪斯對球隊帶來的正面影響力可以說是般奴效應。

正選陣容方面，門將為迪基亞，後防右至左為雲拜沙卡，連迪洛夫，麥佳亞及梳爾。雙防中為馬迪及費特，進攻中場為般奴而前場右至左為格連活特，馬斯亞及占士。

門將迪基亞今仗經常出現有驚無險的畫面，開賽不久便因馬迪與麥佳亞誤會而讓甸尼差點有機會直接攻門，幸得梳爾及時解圍，其後也有甸尼的無效入球，也有迪路菲奧的燙射中楣及杜古希窄位射網側。不過最重要還是迪基亞飛身撲出杜古希的近柱射門。

後防方面，右閘雲拜沙卡防守依舊穩陣，面對扭得之人迪路菲奧也應付自如，而助攻上今仗算是合格，更有一次補射機會可惜中了網側。左閘方面，梳爾今仗開賽不久即作出關鍵的包抄，將甸尼本有面對迪基亞射門的機會破解。其餘時間齊不時走上走落，幫助左路拉出空位來，梳爾與威廉斯的良性競爭繼續起作用。

中堅方面，連迪洛夫今仗總給予人危險的感覺但其實也尚算合格，沒有犯錯給予對手機會。反而另一中堅麥佳亞於開賽不久與馬迪的誤會差點送上大禮，幸好梳爾幫手救忙，其後麥佳亞回復水準，並於下半場一次助攻窩利射門可惜炒高。防守上面對甸尼也能壓制。

防中方面，馬迪與費特繼續合作，前者除了開賽不久與麥佳亞的誤會外，其後今場控制中場，控制著節奏也交出達5次關鍵傳球，後者的費特除了浪費了占士一次美妙傳中外，被屈福特針對性迫搶也算能抵抗得不錯，也繼續於中場掃蕩，希望費特繼續維持水準去幫曼聯中場做好基礎，81分鐘由麥湯文尼入替。自12月後未有再上陣的麥湯文尼終於傷癒復出，時間不多也只是給予他慢慢找回比賽節奏及感覺。

進攻中場為般奴，今場繼續成為焦點，也令曼聯進攻帶來了新的衝擊，由於會嘗試傳送一些具侵略性的傳送，也令隊友增加了走位，而且亦願意起腳射門及入滲禁區，結果上半場便接應占士的直線入禁區被賓科士打掃跌，自己操刀射成1:0也為自己攻入代表曼聯第一球。下半場繼續搶鏡，先有斜傳馬斯亞造就第二個入球的出現，也於及後再來一次簡單但恰到好處的傳送讓格連活特入球。結果以1入球1助攻帶領球隊勝出，賽後也獲選為MOTM，3場正選3次MOTM。

前場三子方面，左路的占士開賽好像仍在沉溺於最近低迷狀態中，不過明顯傳球及射門也較之前更有信心了。而40分鐘一次巧妙的直線造就了般奴的12碼出現。下半場占士好像重新找到比賽節奏，只是仍未能為自己找到久未再現的入球或助攻。

右路的格連活特，上半場似乎未太入局，多次走位及決定也好像未太如意，要到下半場才慢慢找到節奏，當中3次射門也中框而76分鐘接應般奴的傳送，左腳一控一射抽網頂更有雲佩斯的影子，8中79分鐘由鍾泰希入替。鍾泰希入替後似乎有點想表現自己，雖然未算太差但有些決定卻來得遲疑而且選擇了自己射門而非有更好的傳送，似乎續約問題仍然困擾著他。

前鋒的馬斯亞今仗比之前的賽事更努力了，不過面對硬朗的中堅始終有點勉強，上半場更有一次禁區頂的炒高顯示出他的心急。幸好下半場有般奴傳送後第一腳射門被賓科士打救出後，控定皮球再來一記神來之筆的妙射為球隊領先2:0，盡顯技術，80分鐘由恩哈路入替。恩哈路入替後又再次出現入球機會，今次推過賓科士打後射空門可惜被守將回防救出，但看到恩哈路的護球功夫也算不俗，只等待重拾比賽狀態的時刻。

戰術分析方面，今仗其實沿用了一向的四人防線陣式，只是攻中轉換了般奴後令球隊的進攻增加了一個層次，也間接迫令其他球員多走位來接應般奴的傳送，賽後蘇斯克查也表明了般奴會是球隊進攻的關鍵球員，明顯希望製造出般奴效應帶領球隊的進攻能力提升。目前效果還算不俗，且看3月連場硬仗是否真的盡如蘇斯克查之意發展了。

鳴謝各位支持文字直播及即討區，下場見。

[驍治出品] - 迪基亞是狀態不佳，還是不復當年勇？

迪基亞可以話係曼聯最近幾季最重要嘅球員之一，冇佢出色嘅撲救，而家嘅曼聯可能會更加差。但自從上季起，佢嘅表現一直變差，究竟佢係狀態差定係已經不如前幾季？

要分柝一個門將，首先要分辨佢嘅類型。迪基亞係屬於反應類門將，即係話佢係用反應撲救的門將。相信大家都知道一個人嘅反應會因為年齡已減慢，而迪基亞已經29歲，正正係反應開始變慢嘅年紀，呢樣或許就係迪神狀態不穩嘅其中一個原因。

筆者第二個提出嘅論點，係跟曼聯嘅後防線有關。首先，呢幾年防線不停嘅轉換，由以前鍾斯搭史摩寧，到後來嘅拜利、連迪路夫等唔同嘅組合。啱啱磨合左一季之後又轉換，令迪基亞唔習慣，繼而導致失誤、犯錯。當然，防線不穩亦都係曼聯其中一個大問題。

筆者認為迪基亞並非不復當年勇，甚至仲可以打多1-2年，雖然年齡增長，但其實今季都有唔少嘅代表作。明明隊內有兩個不俗嘅門將，但蘇斯克查並冇作出適當嘅輪換，即使是盃賽亦都派迪基亞上陣，過多嘅比賽亦間接令佢失去表現、狀態。

筆者可以話由迪基亞加盟嘅第一天一直觀看佢直到而家，佢每個撲救都瀝瀝在目。希望大家批評佢嘅同時，千奇唔好太過過火。佢始終係曼迷心中嘅迪神。

迪神！希望你盡快歸來！！！

以上文章為筆者第一次編寫，希望各位讀者支持！！

歡迎大家理性討論~

[多奇出品] - 車路士對曼聯賽後檢討

曼聯今場贏2:0，攞到3分固然開心。我哋睇吓有咩問題可以探討？

一、新兵般奴費南迪斯加盟對球隊攻擊線帶嚟咩衝擊？

二、馬斯亞雖然入咗1球，但仲有咩不足之處？般奴費南迪斯除咗解放麥佳亞外，仲可否解放馬斯亞？

三、拜利復出對條後防線有咩幫助？

一、首先講翻般奴今場尤其係傳波，有一種撕破對手第一道防線嘅能力，依個係連加特同佩利亞無嘅能力。連加特同佩利亞傳嘅波多數係橫傳然後自己走位配合，依啲傳波係對手好快察覺得到，所以接應到佢哋傳球嘅隊友之後都係冇作為。但般奴費南迪斯能夠喺有限嘅空間傳一啲對方後衞察覺唔到嘅球，當第一關過咗，對方其他球員需要補位，就有機會製造埋門機會。例如：上半場有球佢同費特做撞牆，然後佢交翻俾費特攻門，最後可惜省中人，但就可以睇到佢傳波嘅功架。而當做唔到滲透性傳送時，佢除咗會回傳翻個波外，仲會用身體語言同眼神去暗示隊友去走位，然後傳落空位度，佢喺無論傳到腳同傳位置係令隊友最舒服方式去攞為主，同埋佢多數係第一時間去俾波，所以隊友就會好易同佢配合到個迎波嘅時間。

長波嚟講個技術就更精準，對住擅頂嘅英超後衛，可以斬落一個位置係隊友頂到而又有威脅嘅除咗馬達都難搵到第二個，尤其係喺短短兩場波就可以有個助攻俾麥佳亞，當然拜利做單擋俾咗個空位麥佳亞，然後接應般奴費南迪斯嘅角球應聲入網。罰球就唔洗講，依家係爭個入波。因為曼聯需要更多得分點去分散後衛注意力同俾威脅感。但首先基本條件係費特同馬迪要搶到同交到個波俾佢，因為佢都係主要有波在腳時個威脅先至大，同埋最重要係佢需要拍住馬達帶動隊友傳滲透性嘅波嘅感覺。依家踢兩場波都咁出色，其他對手會開始對佢作出針對性部署，所以希望佢唔只自己表現好，仲希望可以帶動到佩利亞、連加特同費特，個效果先會更顯著。

二、雖然今場馬斯亞力壓車路士中堅基斯甸臣入到一球，但都係對方俾佢打咗一掙先，所以佢嗰球入球都帶啲幸運成分。我諗般奴費南迪斯加盟依度其中一個重要任務就要打翻生馬斯亞，希望透過多啲傳送俾佢，能夠發揮佢嘅走位同埋把握力。佢性格唔同拉舒福特，福仔係將責任攪喺身上但馬斯亞遇到一啲唔如意嘅情況會洩氣同埋怨，然後就愈踢愈差。佢係有技術，但就係純技術加上之前攻中拍住係連加特同佩利亞，喺長期缺乏供應嘅情況下，加上福仔傷咗得佢一個前鋒，俾對方守衛睇死之餘實力亦都發揮唔到。其實佢係單刀把握力強同埋有頭鎚嘅前鋒，希望佢好似麥佳亞咁証明入得少波係因為隊友供應唔足夠而唔係佢本身實力嘅問題。

三、拜利復出除咗可以俾連迪洛夫休息外，仲可以減輕麥佳亞嘅負擔。拜利係一個主動出擊型中堅，佢會主動作出攔截而且夠勁度同準確，速度嚟講亦都算係快，有頭鎚亦都跳得高，最重要係佢嘅對抗性比連迪洛夫強。今場三番四次喺對手射門之前作出攔截，阻擋對方射門。仲有由於麥佳亞打最後一個同埋佢係睇注嚟踢，拜利就好似一個先鋒咁，當對方攻擊球員未攞到個波時，拜利就已經逼住俾壓力對方，令到對方要回傳。另外，佢亦都掃咗好多波。不過佢亦都有跟甩人嘅情況出現，始終佢都係今季第一場正式嘅英超比賽，對住一啲對抗性更強嘅對手，就有啲力不從心嘅感覺。例如：下半場有球基奧特用身位擺脫拜利接應傳中波頂入。此外，佢上半場一開始喺後場有兩球俾人攔截到，可以見到佢狀態仲未夠十足。

最後，其實曼聯防守愈嚟愈進步，希望馬達同般奴費南迪斯可以傳授佢哋嘅技術俾班後生仔同埋解放佢哋嘅攻擊力。

[K11出品] 曼聯K角度 - 逢車必殺

經過歇冬期後即迎來大戰，需要作客車路士，開賽前感覺是充滿未知數因為今季曼聯太飄忽不定。結果開賽沒有好氣勢，主隊車路士更多有威脅攻門但或者蘇斯克查便是逢車必殺，結果由馬斯亞及麥佳亞上下半場各頂入一球，以2:0擊敗車路士，今季聯賽雙殺車路士並與對手只差3分。

正選陣容方面，門將為迪基亞，三中堅為拜利，麥佳亞及梳爾，左右翼衛為威廉斯及雲拜沙卡，雙防中為馬迪及費特，攻中為般奴而雙箭頭為馬斯亞及占士。

迪基亞今場保持零封，首先當然要多謝VAR的驗證，其次也有今場一條防線的努力，包括了拜利的包抄，雲拜沙卡的攔截，梳爾的波到人到及麥佳亞的防守，最後迪基亞自己也作出了不錯的撲救令曼治轉身的射門被救出。

三中堅方面，首先是拜利，今場除開賽初段的驚風散外，其後便成為了曼聯今仗保零封的要員，當中包括下半場美妙的包抄將高華傑治面對迪基亞的射門封出底線，其餘時間也顯出淡定而硬朗的防守，不過最重要還是拜利要健健康康才能踢出高水準。

另一中堅麥佳亞今仗也有出色表現，雖然與巴舒亞伊的爭奪後曾有紅牌爭議的可能，幸好VAR認為沒有問題才得以出現下半場66分鐘的頭鎚入球。其餘時間防守也做得不錯除了被後備入替的基奧特交出了有威脅的傳送及一球詐糊外。賽後獲英超賽會選為KOTM(King Of The Match)。

左中堅的梳爾今仗接近波到人到，將車路士的鋒力減至最低，而且亦有多餘體力嘗試引球助攻，只要梳爾能維持此水平絕對令曼聯防線得以安心。

左右翼衛方面，左邊的威廉斯今仗表現平穩，不過最令我K11印象深刻便是下半場被車路士反擊時的技術犯規，將韋利安踢跌令對手失去快速反擊機會，雖然領下黃牌但卻顯得成熟的頭腦。右翼衛的雲拜沙卡今仗繼續防守力十足，而且助攻下的傳中也有不少改善，最重要還是完半場前的傳中球令馬斯亞一頂入網。

雙防中方面，馬迪今仗倒戈，表現繼續平穩，控制節奏方面做得不錯，也令費特及般奴更加安心去掃蕩及進攻。曼聯快點跟馬迪續約吧！另一防中費特，繼續表現出色，演繹了B2B的能力包括中場掃蕩，奪回球權再做串連，下半場尾段更差點助攻後備入替的恩哈路入球。不過最令我K11欣賞的是當馬斯亞被蘇馬攔截後倒地時，費特勇於保護正在地上的隊友，雖然最終領下黃牌。

進攻中場的般奴，今仗賽後獲選曼聯的MOTM，相信是因為他的在陣使曼聯中前場進攻變得流暢，而且更有一次罰球中柱及交出一球漂亮的角球傳送助攻隊長麥佳亞入球，92分鐘由達洛特入替。達洛特只得3分鐘時間而沒有什麼觸球機會。

雙箭頭方面，占士的出場相信是希望以他的高速來進行突擊，不過的而且確經過季初的比賽後，占士的風格被慢慢看穿而減低了其威脅，而且球隊的傳送也多傳到他的腳下而非位置令他可以發揮他的高速，80分鐘由佩利亞入替。此換人明顯加強防守力及控制力，佩利亞也算做到了倒塞這任務。

馬斯亞方面，今仗在入球前其實仍然較為沉寂，護球及現位也未算做得很好，但完半場的突然搶點使雲拜沙卡的傳中轉化成入球卻令人驚喜。下半場也經常走出禁區但都未算有太大改善的表現，91分鐘由恩哈路入替。恩哈路入替後需要重新適應英超節奏，而完場前也浪費了費特美妙的直傳，單刀被出迎的卡巴尼路封走。不過看得出他能護球也能將皮球交回到隊友便是他在正前鋒的重要任務。

戰術分析方面，今仗排陣上沒有太大的驚喜，不過踢法上仍然因拉舒福特的受傷而受影響，實質的威脅攻門不多，幸好的是防守得不錯才令球隊增加了信心。始終馬斯亞不能太過成為對手的防守目標，否則只會變得沒甚表現，相信要等恩哈路適應了球隊，才能令馬斯亞再次顯現季初的入球力吧。

慶幸的是蘇斯克查似乎就是對車路士及林柏特特別有辦法下，今季每逢面對車路士也能做到逢車必殺，縮窄了差距至3分下，也重新燃起了爭前四的希望。

鳴謝各位支持文字直播及即討區，下場見。

[噠達出品] - 美麗復活後的曼聯中場

星期二凌晨曼聯將遠赴倫敦作客史丹福橋，期待般奴.費南迪斯打攻中的位置的表現。上一場在馬迪禁賽和麥湯文尼還沒復出的情況下費南迪斯被逼後撤打防中的位置，雖然表現還不錯，但肯定不能完全發揮出所長，好在馬迪可以在對陣車路士的賽事中解禁復出，費南迪斯終於可以出任擅長的位置。其實筆者除了期待費南迪斯的表現，更期待麥湯文尼復出後的曼聯中場會產生出怎樣的化學效應？

話說麥湯文尼缺陣了好一陣子了，幸好費特和馬迪生性，暫時撐起了曼聯的中後場，這也算是不幸中的大幸。 個人意見，如果麥湯文尼復出其他人員也齊整的情況下，曼聯可以排出好幾套陣容，整條中場線頓時也活了起來。麥湯文尼復出後，那麼在沒有任何意外的情況下他肯定是主力之一，而費特搭檔麥湯文尼是大家最熟悉的搭配陣容，前面般奴打攻中，兩翼分別有拉舒福特和占士攻堅。這套中場陣容既年輕又有活力，麥湯文尼負責控制中場節奏和傳球，費特則負責大範圍掃蕩，般奴在前場輸送，兩翼可以自由上落，就算失位了也有兩位可靠的防中補位。拉舒福特和占士的個人突破能力也不需要因為必須協防而有所顧忌，相信般奴會是最大的受益者，可以在前場是無忌憚的瘋狂輸送，雖然他也有box to box（中場到中場)的能力，但是有費特和麥湯文尼在身後應該不需要般奴這麼費神。

如果以馬迪搭配麥湯文尼其實也是個不錯的組合，但是如果以這個搭配為主那麼麥湯文尼的任務就會稍微改變，基於馬迪擁有出色的護球能力和位置感，那麼麥湯文尼就必須負責掃蕩和攔截，左翼拉舒福特也是鐵打不動的主力，右翼其實可以嘗試達洛特或者綠木 - 格連活特。達洛特和綠木的技術能力比占士優勝，可以嘗試不打反攻並和馬迪等人配合控制比賽節奏，伺機撕開對手防線，一來可以多元化，二來可以掩蓋馬迪速度慢和麥湯文尼傳球有時候不到位的弱點。綠木的內切能力和冷靜還有達洛特的傳中可以豐富曼聯的進攻手段，必要時換上租借而來的新前鋒恩哈路，相信他的搶點能力可以得以發揮。

其實筆者還有一個想法，那就是勇敢把綠木推上鋒線，以他的資質和他以往的進球數據讓其擔正會大有作為，相信綠木可以同般奴和拉舒福特擦出火花，最重要別操之過急拔苗助長就好。至於右翼的人選筆者更傾向於達洛特多過占士，占士有衝勁及速度，適合打反擊戰術，但是在技術層面卻略遜一些，有一種盲頭蒼蠅亂衝亂撞的感覺，還有待進步，也還未夠火候出任首發右翼。般奴和恩哈路的加盟讓曼聯的進攻層面更加豐富，在技術層面更是提升了一個檔次，有資本了就不應該打死一種戰術，讓達洛特出任右翼位置更合適不過。至於攻中位置方面，馬達會是一個很好的替補，當般奴狀態不好或者很疲憊的情況下會是一個很好的補充。

麥湯文尼的復出無論是對戰術上的選擇或者是對士氣上的鼓舞都有很大的幫助，至於普巴，筆者認為他的未來已經不在曼聯。雖然普巴天賦出眾，但是其麻煩的經理人和其自身的態度讓人不敢恭維，不然他和麥湯文尼的搭配是非常值得期待的。不過筆者還是比較傾向於費特和麥湯文尼的搭配，無論是默契或者是在執行能力上都是很強的一個組合，尤其是麥湯文尼的精神屬性，雖然可能天賦不及普巴，但是態度決定一切，而他也是曼聯未來的隊長人選之一，這就是筆者選擇這對組合的原因之一。

雖然目前麥湯文尼還未能披甲上陣，相信不久的將來一定會健康回歸，期待全員健康回歸的曼聯，期待麥湯文尼，費特和般奴在中場擦出的火花，期待曼聯新氣象，加油！！

[噠達出品] - 馬迪該去或留？

上星期六凌晨曼聯0-0賽和狼隊，本來是一場很讓筆者期待的一場賽事，結果來了個0-0。由於馬迪停賽，新援費南迪斯和費特組成雙防中。費特延續良好的狀態，覆蓋範圍大，攔截能力也強，無奈出色的表現未能幫助曼聯贏下比賽。個人認為很大可能是馬迪的禁賽，由於馬迪禁賽，蘇帥只能將費南迪斯推到防中位置，再繼續派佩利亞等狀態不好的球員上場。如果馬迪復出，就能把費南迪斯推上擅長的攻中的位置，解放他。前幾場費特和馬迪一快一穩組成雙防中，雖然兩位都是左腳將，但效果還是很不錯的一個組合。

說到了馬迪，這位久違的老將自從上季開始狀態就出現下滑，也出現了很多批評聲也有很多球迷建議把他賣掉，當時筆者就曾告訴朋友馬迪不可以賣，他的經驗和能力絕對是曼聯隊內目前所沒有的類型的球員，給他一點時間找回狀態他絕對會是曼聯隊內的一寶，如今在麥湯文尼和普巴缺陣的時候復出雪中送炭再以出色的表現回應當初質疑他的人。那麼當初建議把馬迪賣掉的人如今覺得他應該留著還是堅持一樣的想法覺得他應該賣掉呢？

馬迪1988年出生，今年32歲，踢防中的位置至少還能踢多2年。他沒有速度，轉身慢，但是他懂得利用身體優勢，經驗，他也曾經是英超最強的防中之一。馬迪是一名‘腦系球員’，也就是用腦踢球，而不是無腦使用蠻力亂衝亂撞。費特的優勢在於覆蓋範圍大，反應快；相反的馬迪並不快，甚至可以說是慢，但是卻異常冷靜，非常沈穩，和費特一快一穩看似完全不同的踢球風格卻能產生出化學效應。他的傳球和視野絕對是頂級的，他的傳球並不是那種可以形成助攻或者刷數據的，但卻可以在對方壓迫的情況下將球準確的分出，也可以在對的時機將球推進。以前筆者只會看一些球技出眾的球員耍球技，踢進漂亮的進球；現在學會了看馬迪這種球員踢球，是一種享受，而他踢的：是一種藝術。

雖然已經32歲，但以他的踢球風格絕對可以再踢上2至3年，而他的經驗對於曼聯隊中的後輩絕對是受益匪淺，尤其是麥湯文尼和加拿，更應該向馬迪好好學習。當年摩連奴在車路士的時候慧眼識英雄，將馬迪簽下，以至於過後的幾年車路士中場‘硬繃繃’，林柏特等進攻球員也因此受惠，對於車路士皇朝的崛起馬迪功不可沒。話說回曼聯這邊，中場缺乏硬度，所以更需要馬迪這種有身體素質又用腦子踢球的類型的球員。比起馬迪，麥湯文尼更年輕更勤力可以不惜體力的跑，技術層面更好，但是在經驗和處理球的方面就略遜一籌，如果他能在馬迪這裡吸取經驗，強化自身的不足，那麼對他以後肯定有很大的幫助。

馬迪在球場上雖然可以指揮其他球員的作用，但是其行事作風不夠硬朗，有時候太過沈靜，不然他會是副隊長甚至於隊長的一個很好的人選。目前曼聯中場太多傷兵，馬迪的復出肯定會為曼聯中場打了強心針，其作用是在數據上所呈現不出來的，其梳理中場能力，出球能力分球能力絕對是曼聯目前所需要的。希望在為其整十天冬歇期後馬迪可以把最佳狀態找回來，為曼聯貢獻更多。

然而，馬迪也算是一名老將了，雖然可能會有很多球迷覺得他貢獻的可能有限了，但是對於筆者來說就算是有限也是非常珍貴的。希望他在索帥摩下可以展現自己的重要性，甚至於第二春。所以馬迪應該去或留？筆者的答案依然是很堅定的：留!!!

[K11出品] 曼聯K角度 - 入球欠奉

等了又等的般奴費南迪斯終於加盟曼聯，只加盟兩天便被蘇斯克查安排正選上陣便知道攻中位置有多渴求。結果般奴與馬達同時上陣亦在中場取得控球上的優勢，可惜前線仍欠缺入球能力，最終曼聯主場與狼隊也入球欠奉，以0:0完場各得1分，開始歇冬期。

正選陣容方面，門將為迪基亞，後防右至左為雲拜沙卡，連迪洛夫，麥佳亞及梳爾。雙防中為佩利亞及費特，進攻中場為般奴，前場右至左為馬達，馬斯亞及占士。

迪基亞今仗為代表曼聯出戰300場賽事，近仗狀態開始回勇的他今仗也有不俗演出，包括救出魯爾下半場窄位抽網頂的射門。

後防方面，右閘雲拜沙卡今仗於防守上繼續穩陣但助攻依舊失色，多次引球到右路K角位附近也好像不知所措般。不過儘管如此，他仍然是今仗曼聯傳中球較有質素的那位包括完場前傳給達洛特頭鎚攻門的一球。左閘的梳爾則主要防守為主，因為其對手便是今季英超盤球過人次數最多的戰狼查奧爾，除了開波初段的一下被查奧爾落底線成功，梳爾其餘時間算是令對手沒有威脅，更不時包入中路助守，似乎與威廉斯起了正面的競爭作用。不過梳爾於助攻方面仍然要多加改善，才能為曼聯邊路進攻力得以提升。

中堅方面，連迪洛夫與麥佳亞算是穩妥地守住魯爾及祖達，雖然曾經給後者一次突破推過他們二人後幸有隊友作出包抄。而連迪洛夫則有一次回傳乏力嚇一嚇球迷及迪基亞。麥佳亞則於完場前有一次埋門機會可惜撻Q了。

雙防中方面，費特仍在中場起了一定作用，覆蓋範圍仍然很廣，作為球隊串連工作，助攻助守也有很大作用，不過射門質素仍然有待提升。

另一防中佩利亞，之前也已提及根本他不是防中材料但蘇斯克查硬要委派他出任此位置，結果開波初段於中後場出現極多不必要犯規，看似鬥志及硬朗十足但其實為自己球隊中後場帶來不必要壓力。而且取球後要做的工作也不鮮明及爽朗，結果多屬簡單駁腳或直接失掉球權。半場後改為左翼仍然未能帶來威脅，突破力不足，傳中質素不足，連僅有一次埋門機會於左路禁區內射門也未能威脅柏治斯奧，72分鐘由格連活特入替。格連活特入替後轉往正中鋒位置但所得機會不多，不過反而為馬斯亞帶來了左路有更多空間去發揮。

進攻中場為般奴費南迪斯，上半場無論傳球或射門都以他為重心，亦願意向前傳送只是馬斯亞未能做好停球的工作，而與馬達的配合也覺不錯。下半場退後一格任防守中場與費特負責控球及轉向，無疑令他的威脅力減下來但由於只是第一場合作，表現還是對板並於賽後獲選為今場MOTM。

前場三位進攻球員方面，右翼的馬達今仗好像找到了知音一樣，上半場與般奴的小組配合做得不錯，也令球隊的進攻變得立體一點但由於前點的馬斯亞做不到回送功能而令球隊進攻不夠威脅力，88分鐘由連加特入替。連加特入替後的時間不多，只有3次傳球機會。

左翼的占士今仗狀態繼續低沉，季初的突破及傳中球於今仗也找不到，或多或少為隊友多數把球傳到他腳下而非傳到位置給他運用速度有關，88分鐘由達洛特入替。達洛特雖然只有幾分鐘時間發揮，但效果卻是不俗，只可惜完場前的頭鎚攻門僅僅柱邊出界。

正前鋒的馬斯亞，其實於拉舒福特因傷缺陣開始便成為對手防守的目標，而一向不擅身體對抗的他也自然難有作為，今仗面對杜赫迪，高倫及沙爾斯也逃避不了被侵犯的下場但最重要是所搏得的罰球並非在對手的危險區域，所以形成帶來的威脅也不足。直到下半場格連活特入替後轉往左翼才多了點空間發揮，可惜或者太疲倦的關係，也未能帶來威脅，今仗的馬斯亞作為曼聯正前鋒的表現的確不合格。

戰術分析方面，首先是佩利亞的擺位，到底是蘇斯克查固執還是佩利亞於訓練課時如有神助，為何硬要把佩利亞放置於防守中場這個他此前已証明不擅長的位置呢？結果上半場的中場還是只有費特，而佩利亞只有不必要的犯規令全隊隊員要回防，此舉其實頗傷士氣及中前場球員的體力。而且佩利亞於防中的工作也不明顯，沒有做好破壞(只有犯規)，沒有做好串連(多屬回傳或傳失)。

其實也不是大問題，找到問題，半場作出調動便可以。結果半場作出了調動，佩利亞轉往左翼，占士轉往右翼，馬達去到進攻中場而把般奴拉落防中位置，是錯配。如果當時已經沒有後備換人名額，這調動可以理解，但情況卻不是這樣。如要選擇，我K11更情願把鍾斯入替佩利亞，鍾斯作為純防中而費特可以更加自由，般奴可以繼續於進攻中場去踢他擅長的進攻吧。

換人太遲的問題，88分鐘才換入達洛特及連加特想不到會可以帶來什麼效果，達洛特差點兒的絕殺也顯示出如果可以更早換人或者可以帶來更多的機會。而把連加特換入也想不到可以有什麼效果因為明顯連加特便是需要空間的球員而尾段是要攻破密集的狼隊後防，換入威廉斯或鍾泰希增加邊路威脅可能更加適合。

般奴的加盟對球隊進攻有絕對的幫助的，但入球力不足仍是近季曼聯最大的弱點，特別當目前球隊射手拉舒福特養傷的情況下更覺明顯，入球欠奉足於形容目前甚至

這幾季的曼聯。希望在恩哈路外借加盟後可以配合般奴的傳送幫助提高曼聯的入球能力。鳴謝各位支持文字直播及即討區，祝各位身體健康，歇冬期後再見。

[多奇出品] - 佩利亞打前鋒可行嗎？

由於拉舒福特因傷要抖6周，令到曼聯前鋒買少見少，依家只係得馬斯亞同格連活特。但曼聯要應付唔同戰線嘅比賽，有足總盃、聯賽杯同歐霸杯，所以買前鋒就真係刻不容緩，但睇番活禾特嘅買人效率真係好低，所以其實可唔可以將佩利亞推前一格打前鋒呢？

講真佩利亞係未夠班打曼聯正選，不過蘇B唔知點解會場場都出佢打10號位，踢防中又試過，加上佢本身就係踢翼嘅，幾乎中前場個個位都踢過晒，係爭前鋒。以蘇B個勢，加上佢同連加特關係變差，喺無可選擇之下佩利亞雖然表現仲未合格，但我估計佢係正選不二之選。

我放佩利亞打前鋒嘅原因：首先係隱藏缺點，佢本身係有啲腳法，但球賽閱讀能力差，加上佢嘅傳球技術無論長傳同短傳都唔算出色。所以要佢踢10號位做一啲致命傳送係幾乎冇可能。射門方面佢雖然有好強嘅射門欲，但佢啲遠射對龍門威脅唔大，所以浪費咗好多組織攻勢嘅機會。除此之外，佢間唔中喺中後場俾人偷到個球先攞命，當佢迎波時係觀察唔到有人想偷佢個波。依啲缺點我諗球迷都應該好清楚，亦都知道佢係好難改。但如果佢打前鋒，佢就唔需要喺中場組織攻勢，亦都唔會喺中後場控波，仲有馬達會有多好多出場機會。

其次就係引發出佢優點，佢最大優點係佢有團火同埋佢係好勤力做逼搶，相對馬斯亞同格連活特嘅冷靜型有好大分別。加上佢控第一腳比連加特好同埋射門欲強，而佢射龍門命中率都高（只不過係力度唔夠），如果佢能夠喺禁區內射波個威脅會更大。佢仲有一個優勢，就係佢打前鋒蘇B就逼住出馬達，馬達就會打攻中經常造波俾佢，佢嘅供應多咗入球機會相對增加。另外，佩利亞擁有打攻中、翼鋒同防中經驗，對佢適應新位置都有幫助。

最後就係前鋒線需要加入新元素，當然如果可以買到優質前鋒就最好，但買唔到就只有馬斯亞同格連活特兩個。不過我相信其他對手已經睇通晒佢哋嘅路數同埋唔同嘅比賽用唔同風格嘅前鋒係有必要，而佩利亞過去打嘅位又唔係出色，加上佢係必然正選，所以真係一試無妨。

[多奇出品] - 曼聯對般尼賽後檢討

曼聯令人失望地喺主場以0:2落敗，堂堂一隊Big 6球隊究竟發生咩事呢？點解會被一隊榜中下游球隊零封呢？我哋可以探討以下三點：

一、曼聯整隊攻擊線點解好似咁易防呢？

二、曼聯失嘅兩球麥佳亞都責無旁貸，堂堂8,000萬中堅，點解會攪成咁？

三、傷兵同後備兵源不足對戰績嘅影響。

一、曼聯今場攻擊線上派出馬斯亞、占士、佩利亞、馬達同格連活特依個攻擊組合。依個攻擊組合最大弱點係响速度、組織、頭鎚同逼搶都唔夠鋭利，造成四不像嘅局面。喺速度上占士同馬斯亞佔優，但馬達、格連活特同佩利亞就唔夠快，令到曼聯最大進攻本錢快速反擊應用唔到。喺組織上蘇B上半場選擇用佩利亞做攻中，可惜佢成日hold死個波拖慢咗個節奏，加上佢做唔到啲小組入滲，成個中路組織都帶唔到威脅俾對手。此外，占士組織能力亦都係一般，馬斯亞可以做一啲小組但佢係打最前，冇理由要佢成日回後組織攻勢。而最有球賽閱讀能力嘅馬達反而被安排打右邊，間接影響佢嘅發揮。雖然下半場馬達被安排打番攻中，但由於對手領先下塞晒啲人落禁區頂同禁區，所以想打地面組織相當困難，咁就唯有打高空波。雖然馬達傳高空波都好拿手，但馬斯亞、占士、佩利亞同格連活特都唔係擅長頭鎚同埋對抗性亦都較弱，所以打高波佔唔到優勢。最後首循環對般尼射入第一球主要係打前場壓迫偷咗對手個球打反擊，但馬斯亞、占士、馬達同格連活特對攔截都唔係好擅長，咁就連前場壓迫都做唔到，試問咁嘅前鋒線點可以咁容易爭取到入球呢？

當然佢哋唔係一啲攻擊都冇，只不過係把握唔到。喺頭35分鐘，曼聯有4次有威脅嘅攻門，三次喺右邊雲拜沙卡發動，可惜馬斯亞、佩利亞同馬達都食唔應個波。而之後馬迪傳直線，馬達固意漏俾馬斯亞，可惜又把握唔到，連咁好機會都把握唔到，隊波想入波都難。

二、失嘅第一球係馬迪頂輸咗俾對手然後俾基斯活特射入，當時麥佳亞冇mark實佢。第二球又係麥佳亞俾咗少少空位積洛迪古斯勁射破網。兩球都同佢有關，依家就試吓搵個原因。

其實失高空波曼聯已經唔係第一次，點解會咁，首先麥佳亞其實路數唔錯，應付一啲正路嘅波係OK嘅，但當要佢去處理一啲混亂情況，例如高空轟炸，對方球員一齊過嚟湧嘅波就唔識得去應變。另外，隊中球員除咗馬迪、麥佳亞同鍾斯比較有身型同對抗性較高外，其他球員連埋龍門應付高空波都比較弱，作為中堅嘅麥佳亞面對壓力會好大。由於要兼顧其他隊友，所以唔可以集中應付面前嘅敵人，佢往往企死防線最後一格就係要睇清晒成個環境，但到佢附近敵人攞到個波想射門時，佢已經慢咗一步阻止。

其次就係默契。中堅同中堅之間個合作性係重要嘅因素睇吓個後防夠唔夠穩健。鍾斯同麥佳亞喺英超正選合作都唔夠三場，好多時大家真係要夾過先至真係了解得到拍擋嘅特性。其實第二球失最先係拋界外球俾人搶到然後對手做個撞牆，之後先至俾到積洛迪古斯。最重要係麥佳亞預計唔到鍾斯阻止唔到對手做撞牆，後防有甩漏係間唔中會有，重點係要有人補到位，因為做後防冇理由100%每球到攔截到。依球麥佳亞補唔到位就係因為默契不足。

三、傷兵令到某幾位球員長期正選上陣冇得休息，例如馬斯亞、福仔、費特同麥佳亞。長期征戰真係會令到球員有厭戰嘅感覺同埋會過度盡力。前者會令球員缺乏動力去拼搏，後者令到球員發揮唔到真正實力同埋保持唔到清醒頭腦。另外，持續用同一陣容亦都容易俾對手睇通路數，令對手可以做針對性部署。仲有球員過度疲累亦會令球員容易受傷，例如：麥湯文尼同埋福仔。不過，依樣嘢只有怪自己一早放走盧卡古、山齊士同史摩寧。

最後福仔嘅傷令事情變得複雜化，希望曼聯能夠喺轉會窗有正面嘅動作。

[K11出品] 曼聯K角度 - 反應太慢

[K11出品] 曼聯K角度 - 反應太慢

雙紅會前迎來拉舒福特因傷缺陣將近6周，而其他競爭對手相繼失分又是追逐前四的好機會。可惜開賽初段便被一球角球由雲迪克頂入，其後即使與主隊利物浦不分上下但仍然找不到破門機會，完半場前佩利亞的趕門失機可謂相當重要。下半場初段再次被壓至禁區防守，及後終於反壓並取得壓倒性控球但始終破門乏術，包括了馬斯亞於禁區內的射門高出，最終完場前大軍壓前結果被沙拿一次單刀射成2:0完場，反應太慢是給蘇斯克查的調動。

正選陣容方面，門將為迪基亞，三中堅後防為連迪洛夫，麥佳亞及梳爾。左右翼衛分別為雲拜沙卡及威廉斯，雙防中繼續有馬迪及費特。進攻中場為佩利亞加上前場的馬斯亞及占士。

門將迪基亞對於第一個失球也愛莫能助，球隊於角球被近門頂入，於25分鐘領下無辜黃牌，因為雲迪克衝門未有吹罰再由費明奴射入網窩，幸好VAR改判犯規在先但迪基亞黃牌已領。51分鐘救出張伯倫的割草式射門顯出了水準，可惜最後完場前的單刀也非迪基亞所能挽救了。

三中堅後防方面，連迪洛夫今場賽事面對文尼還算合格，不過曾經有一球因不集中而被利物浦直線劏穿後防再射入，幸好越位在先。另一中堅麥佳亞則於14分鐘的角球比拼中敗給了雲迪克讓其攻門破網，雖然可說是高美斯有犯規之嫌在先但保護自己後防總像是未夠氣場統領防線，而這失球其實算是佈防出問題，放任對方頭鎚最有威脅的雲迪克衝頂是最大問題，不過這可能是賽前教練的部署但失卻第一球後，再出現類似死球或角球便應該作出應變而此人應該由隊長及後防領袖麥佳亞去統領了，不過只加盟半季多一點可能令他未太敢主動作出此舉動吧。另外助攻時亦曾與連迪洛夫爭頂下把角球頂高出界，默契上包括攻守也仍然要有待改進了。

梳爾方面，復出後即被委以重任且安排在不熟悉的左中堅位置，踢來算是表現不俗而且也多次作出包抄包括踢走文尼入滲中路的攻勢。其後轉回左閘位置要主力面對沙拿則有點吃力但仍然頂得住，不過體能上要再加操因為在賽事尾段出現了雙腳齊抽筋的情況，87分鐘由達洛特入替。達洛特終於傷癒復出而表現感覺不錯，包括攔截，向前帶波及助攻都有fit的感覺，希望再多一點比賽增加狀態及適應節奏吧。

左翼衛的威廉斯今仗表現其實繼續不俗而且也沒有怯場的感覺，繼續其充滿侵略性的邊路球員風格但始終受制於球隊今仗太著重中路進攻的情況下，表現有所限制了，75分鐘由格連活特入替。格連活特入替後主要在中路或右邊活動但皮球並不多機會去到他的腳下，未能再次成為救世主了。

右翼衛的雲拜沙卡，依舊防守穩陣但助攻失魂的感覺，防守上沒有太多問題但進攻上卻感覺了去到對手三閘線時便不知所措，勉強去落底線並傳中的動作。當然完半場前接應馬斯亞傳送到小禁區的橫傳可算一絕但佩利亞卻來遲了。不過值得留意的是雲拜沙卡的體力開始有點問題，蘇斯克查是時候作出輪換給予他適當的休息了。

雙防中的馬迪及費特繼續好好合作，雖然馬迪的體能及速度也有點不足但經驗彌補了。算是做到控制節奏及轉向的工作，也替中堅們做好了不錯的屏障。費特方面算是今仗曼聯陣中表現最好的一位，數據顯示他為球隊攻守兼備的能力而實際上賽事的過程中也經常出現為球隊做防守或較為進取的傳送，當然射門仍是最弱一環，面對巴西同鄉艾利臣也射不中框，這方面要繼續改善了。

進攻中場方面，佩利亞今仗表現只能用飄忽偏差來形容，好只是有幾球小組組織能做出來包括與馬斯亞的撞牆。差卻是較多，首先，持球太久的壞習慣又出現，更要面對迫搶力強的利物浦更是糟糕，多次因他hold多幾秒而被迫甩，亦有希望太高章的傳球但質素不足，結果又是失去球權，還有便是完半場前的空門處理，當時皮球由右至左橫向過來，著實可以用左腳以腳內檔"印"個波入網但卻選擇用慣用腳去以腳面篤，結果步韻不對而來遲一步，對於職業球員來說，不能以非慣用腳來解釋這個失誤，75分鐘終於由馬達入替。馬達入替後雖然曾有一球傳球回後失誤，但其餘的質素或令球隊行軍流暢度比佩利亞高得多，可惜便是球隊始終欠缺一名穩定的中鋒去破門。

前場的馬斯亞及占士方面，馬斯亞今仗踢不了9號位應有的任務，或者是因為面對雲迪克有點給比下去，另外停球及護球也不達標，反而走到左路活動後出現了禁區外遠射及不錯的傳送。可惜最令人失望還是與佩利亞撞牆後入滲禁區內面對艾利臣卻選擇抽射，結果皮球越過楣頂出界，也說明了埋門的質素不足。占士方面，他今仗只有開波初段的一次邊路傳中較為可取，其後便變得隱形，一來是沒有傳球給他，二來是他走的位置也被看管著，可能最有亮點還是完場前唯一一位狂奔回防希望阻止沙拿單刀的拚勁吧，即使最終還是失球但精神卻是可嘉。

戰術分析方面，反應太慢是對蘇斯克查的臨場調動及換人。首先，所失一球的防守陣式已出問題，由威廉斯及費特等於外圍追蹤利物浦高空優勢最強的雲迪克已是錯誤，要知道這種區域防守的中路要是頭鎚及硬朗兼備的球員把守，否則只要有對方攻擊球員助跑衝頂，便肯定擋不了，或者麥佳亞還算人選但連迪洛夫及馬迪均不擅長防守對手衝擊力強的來襲。賽前部署還可以叫計算錯誤但失球後再有角球的佈陣仍然沒有改變，這便是教練的不合格。

其次便是換人時間太遲，上半場佩利亞於攻中位置的不合格表現已經亮出了警號，或需要半場時換人。蘇斯克查習慣半場不調動可理解但為何要等到75分鐘才作調動呢？真的認為15至20分鐘可以有能力改變戰局還是不相信後備球員有改變戰局的能力而盡量減少出場時間？偏偏馬達入替後的15分鐘表現卻是比佩利亞此前的75分鐘來得精彩。

同樣地格連活特也只有15至20分鐘的時間，難道又是希望救世主的突然出現嗎？鳴謝各位支持，下場見。

[多奇出品] - 利物浦對曼聯賽後檢討

曼聯今場在作客環境下以0:2負於榜首嘅利物浦，我哋睇吓有咩問題可以探討：

一、佩利亞今場表現值得俾佢踢正選嗎？

二、曼聯整體進攻同利物浦最大分別响邊？

三、曼聯中後場防守簡評。

一、佩利亞今場都有帶俾對手威脅，但真係寥寥可數。上半場有一腳遠射，可惜射得太正龍門。另外有一球由馬斯亞於左路斬俾雲拜沙卡，再由後者傳中，佩利亞只差一步就可以送個波入網。而下半場就有一球同馬斯亞做撞牆，可惜後者單刀射高。

雖然佩利亞對球隊唔係話無貢獻，但作為一個曼聯10號位球員今場就真係唔合格。論盤扭，佢速度同身位完全俾對手比下去，多次被對手拍甩腳下球。而傳球方面，佢唔夠當機立斷，做唔到第一時間嘅傳送，佢一遲咗出腳，就俾對手封實晒傳球路線，無晒空位。合作性方面，佢以前踢華倫西亞時係踢翼鋒，嗰個位對球賽閱讀能力嘅要求同進攻中場比較始終無咁高，加上踢法已經定咗型，所以佢唔識點樣去踢攻中位置，做啲簡單波。一有波在腳就一味帶上去，永遠做唔到致命傳送。另外佢做唔到暗示效果，即係隊友了解到佢想點做但對方守衛唔察覺，反而佢係令到隊友唔知佢想點，但對手了解到佢下一步點做，所以同佢合作嘅隊友都幾辛苦。例如：有一球佢帶住個波，占士想幫佢，但佢竟然撞埋占士嗰度。

與其係咁，不如擺番佩利亞打翼鋒，馬達打攻中。雖然馬達係慢同埋唔夠對抗性。始終佢都係打開攻中，同埋佢轉數真係快。佢可以一路hold波一路諗點樣製造攻勢，而且佢可以做長傳同短傳。此外，佢隻左腳所做出嚟效果亦都好有效，無論係射門同傳送都俾到好大威脅感對手。仲有佢嘅傳波可以帶動一班年青人發揮佢哋嘅潛能。例如：對諾域治時福仔嘅搶點入球同埋馬斯亞嘅頭搥，證明好嘅傳球係可以引發隊友潛能。

二、利物浦同曼聯最大分別就係利物浦總係帶種正能量去踢波。唔知點解高普帶俾隊員有一種動力，依種動力令到球員响比賽時遇到啲不合心意事時，好快就會收拾心情重新出發。例如：我睇到佢哋俾曼聯球員截到個波就會立刻做逼搶。當然蘇B亦都會叫球員失波後做同一樣嘢，但我見到嘅係利物浦班球員個精神臉貌係有股衝勁。蘇B嗰啲係Push班球員去做嘢，同埋班球員有時好似唔係咁明佢想點，唔識得自我調節，好多時要蘇B親自落嚟提場。

仲有就係團隊合作默契，班球員跟咗高普4年幾5年，班球員合作得非常純熟。佢哋傳波根本唔洗望隊友，佢哋亦都唔需要特別去估隊友係交到腳波定係交落個位。佢哋做撞牆、叠瓦係唔洗特別遷就隊友，造成又快又準嘅效果。加上球員質素平均地高，沙拿、文尼同費明奴都係速度、技術兼備，又肯大家互相合作，依個先至最難得。曼聯球員質素唔差，但個別位置真係爭啲世界級球員支撐球隊，好似防中同攻中都缺乏世界級球員。年青球員好需要一啲高質嘅外來球員俾啲衝擊佢哋。而且佢哋好似只係專注提高某一兩項嘅技術。例如：引球推進同盤扭，其他嘅好似無球走動就比較弱。

三、中場費特同馬迪鎮守中路表現尚算不錯，尤其係費特，佢全場覆蓋範圍廣泛，擁有跑不完嘅體力，跑步速度快，而且多次作出準確嘅攔截，瓦解咗對方唔少嘅攻勢。馬迪就做一啲遮線嘅工作，雖然佢速度係慢啲，但佢嘅經驗幫到球隊做啲補位工作。佢嘅高度亦都幫到球隊應付高空波。另外，佢哋兩個應付控、傳球都做得唔錯。

左、右翼衞威廉斯同雲拜沙卡可能因為變陣加上對手實力強，初時未完全適應同投入。尤其係右邊雲拜沙卡支援連迪洛夫不足，好多時要後者單打獨鬥。不過，始終雲拜沙卡單對單防守力強，當適應到文尼節奏就可以跟得上佢嘅速度，同埋成功作出攔截。左邊威廉斯首度作客紅軍算打得唔錯，球場上拼勁係佢最大本錢，只要佢爭取多啲上場經驗，將來左閘正選非佢莫屬。

三中堅左邊連迪洛夫好明顯要佢獨立防守後場左邊感到有啲力不從心，多次跟甩對手。要叫番雲拜沙卡做屏障。正中堅麥佳亞表現算中規中矩，做攔截都算準確，應付高空波除咗第一球失波外其餘都應付自如。左邊梳爾表現出色，全場盯到沙拿發揮唔到應有實力。

龍門迪基亞，除咗應付高空波之外，表現尚算穩定。

最後，今場雖然輸波，但曼聯上下半場都有機會追和。當然兩隊實力係有差距，不過我哋都有傷兵福仔同麥湯文尼。仲有蘇B點解唔出馬達，依個都係一個問題。希望下場馬達有正選啦！